1 שִׁיר מִזְמוֹר לִבְנֵי ־ קֹֽרַח ׃
2 גָּדוֹל יְהוָה וּמְהֻלָּל מְאֹד בְּעִיר אֱלֹהֵינוּ הַר ־ קָדְשֽׁוֹ ׃
3 יְפֵה נוֹף מְשׂוֹשׂ כָּל ־ הָאָרֶץהַר ־ צִיּוֹןיַרְכְּתֵיצָפוֹןקִרְיַתמֶלֶךְרָֽב ׃
4 אֱלֹהִים בְּאַרְמְנוֹתֶיהָ נוֹדַע לְמִשְׂגָּֽב ׃
5 כִּֽי ־ הִנֵּההַמְּלָכִיםנֽוֹעֲדוּעָבְרוּיַחְדָּֽו ׃
6 הֵמָּה רָאוּ כֵּן תָּמָהוּ נִבְהֲלוּ נֶחְפָּֽזוּ ׃
7 רְעָדָה אֲחָזָתַם שָׁם חִיל כַּיּוֹלֵֽדָה ׃
8 בְּרוּחַ קָדִים תְּשַׁבֵּר אֳנִיּוֹת תַּרְשִֽׁישׁ ׃
9 כַּאֲשֶׁר שָׁמַעְנוּ ׀ כֵּןרָאִינוּבְּעִיר ־ יְהוָהצְבָאוֹתבְּעִיראֱלֹהֵינוּאֱלֹהִיםיְכוֹנְנֶהָעַד ־ עוֹלָםסֶֽלָה ׃
10 דִּמִּינוּ אֱלֹהִים חַסְדֶּךָ בְּקֶרֶב הֵיכָלֶֽךָ ׃
11 כְּשִׁמְךָ אֱלֹהִים כֵּן תְּהִלָּתְךָ עַל ־ קַצְוֵי ־ אֶרֶץצֶדֶקמָלְאָהיְמִינֶֽךָ ׃
12 יִשְׂמַח ׀ הַר ־ צִיּוֹןתָּגֵלְנָהבְּנוֹתיְהוּדָהלְמַעַןמִשְׁפָּטֶֽיךָ ׃
13 סֹבּוּ צִיּוֹן וְהַקִּיפוּהָ סִפְרוּ מִגְדָּלֶֽיהָ ׃
14 שִׁיתוּ לִבְּכֶם ׀ לְֽחֵילָהפַּסְּגוּאַרְמְנוֹתֶיהָלְמַעַןתְּסַפְּרוּלְדוֹראַחֲרֽוֹן ׃ כִּיזֶה ׀ אֱלֹהִיםאֱלֹהֵינוּעוֹלָםוָעֶדהוּאיְנַהֲגֵנוּעַל ־ מֽוּת ׃