12 nuntiatumque est regi David benedixit Dominus Obededom et omnia eius propter arcam Dei abiit ergo David et adduxit arcam Dei de domo Obededom in civitatem David cum gaudio
13 cumque transcendissent qui portabant arcam Domini sex passus immolabat bovem et arietem
14 et David saltabat totis viribus ante Dominum porro David erat accinctus ephod lineo
15 et David et omnis domus Israhel ducebant arcam testamenti Domini in iubilo et in clangore bucinae