14 For the bodi is not o membre, but manye.
15 If the foot seith, For Y am not the hoond, Y am not of the bodi; not therfor it is not of the bodi.
16 And if the ere seith, For Y am not the iye, Y am not of the bodi; not therfor it is not of the bodi.
17 If al the bodi is the iye, where is heryng? and if al the bodi is heryng, where is smellyng?
18 But now God hath set membris, and ech of hem in the bodi, as he wolde.
19 That if alle weren o membre, where were the bodi?
20 But now ther ben many membris, but o bodi.