1 Dar any of you that hath a cause ayens another, be demed at wickid men, and not at hooli men?2 Whether ye witen not, that seyntis schulen deme of this world? And if the world schal be demed bi you, be ye vnworthi to deme of the leste thingis?3 Witen ye not, that we schulen deme aungels? hou myche more worldli thingis?4 Therfor if ye han worldli domes, ordeyne ye tho contemptible men, that ben in the chirche, to deme.5 Y seie to make you aschamed. So ther is not ony wise man, that may deme bitwixe a brothir and his brothir;