3 For this is the wille of God, youre holynesse, that ye absteyne you fro fornycacioun.4 That ech of you kunne welde his vessel in holynesse, and onour;5 not in passioun of lust, as hethene men that knowen not God.6 And that no man ouergo, nethir disseyue his brothir in chaffaring. For the Lord is venger of alle these thingis, as we biforseiden to you, and han witnessid.7 For God clepide not vs in to vnclennesse, but in to holynesse.