46 And Marie seide, Mi soule magnyfieth the Lord,
47 and my spirit hath gladid in God, myn helthe.
48 For he hath biholdun the mekenesse of his handmaidun.
49 For lo! of this alle generaciouns schulen seie that Y am blessid. For he that is myyti hath don to me grete thingis, and his name is hooli.
50 And his mercy is fro kynrede in to kynredes, to men that dreden hym.
51 He made myyt in his arme, he scaterede proude men with the thouyte of his herte.
52 He sette doun myyti men fro sete, and enhaunside meke men.
53 He hath fulfillid hungri men with goodis, and he hath left riche men voide.
54 He, hauynge mynde of his mercy, took Israel, his child;
55 as he hath spokun to oure fadris, to Abraham and to his seed, in to worldis.