4 And Joseph wente vp fro Galilee, fro the citee Nazareth, in to Judee, in to a citee of Dauid, that is clepid Bethleem, for that he was of the hous and of the meyne of Dauid,
5 that he schulde knouleche with Marie, his wijf, that was weddid to hym, and was greet with child.
6 And it was don, while thei weren there, the daies weren fulfillid, that sche schulde bere child.
7 And sche bare hir first borun sone, and wlappide hym in clothis, and leide hym in a cratche, for ther was no place to hym in no chaumbir.