3 And whanne he satte on the hille of Olyuete, hise disciplis camen to hym priueli, and seiden, Seie vs, whanne these thingis schulen be, and what token of thi comyng, and of the ending of the world.
4 And Jhesus answeride, and seide to hem, Loke ye, that no man disseyue you.
5 For many schulen come in my name, and schulen seie, Y am Crist; and thei schulen disseyue manye.
6 For ye schulen here batels, and opyniouns of batels; se ye that ye be not disturblid; for it byhoueth these thingis to be don, but not yit is the ende.