1 Nile ye deme, that ye be not demed; for in what doom ye demen,
2 ye schulen be demed, and in what mesure ye meten, it schal be meten ayen to you.
3 But what seest thou a litil mote in the iye of thi brother, and seest not a beem in thin owne iye?
4 Or hou seist thou to thi brothir, Brothir, suffre I schal do out a mote fro thin iye, and lo! a beem is in thin owne iye?
5 Ipocrite, do thou out first the beem of thin iye, and thanne thou schalt se to do out the mote of the iye of thi brothir.