1 But take ye a sijk man in bileue, not in demyngis of thouytis.2 For another man leueth, that he mai ete alle thingis; but he that is sijk, ete wortis.3 He that etith, dispise not hym that etith not; and he that etith not, deme not hym that etith. For God hath take him to hym.4 Who art thou, that demest anothris seruaunt? To his lord he stondith, or fallith fro hym. But he schal stonde; for the Lord is myyti to make hym parfit.