4 For we ben togidere biried with hym bi baptym in to deth; that as Crist aroos fro deth bi the glorie of the fadir, so walke we in a newnesse of lijf.5 For if we plauntid togidere ben maad to the licnesse of his deth, also we schulen be of the licnesse of his risyng ayen;6 witynge this thing, that oure olde man is crucified togidere, that the bodi of synne be distruyed, that we serue no more to synne.7 For he that is deed, is iustefied fro synne.