1 The title of the thridde salm. The salm of Dauid, whanne he fledde fro the face of Absolon, his sone.2 Lord, whi ben thei multiplied that disturblen me?3 many men rysen ayens me. Many men seien of my soule, Noon helthe is to hym in his God.4 But thou, Lord, art myn vptakere; my glorye, and enhaunsyng myn heed.5 With my vois Y criede to the Lord; and he herde me fro his hooli hil.6 I slepte, and was quenchid, and Y roos vp; for the Lord resseyuede me.